Fox News: Trump bû Serokê Amerîkayê yê 47ê

Navenda Nûçeyan (K24) - Tora Nûçeyan a Fox Newsê îro (Çarşem, 06.11.2024) ragehand, Kandîdê Komariyan Donald Trump bû Serokê 47ê yê Wîlayetên Yekgirtî yên Amerîkayê û karî 277 kursiyên Komeleya Hilbijatinan bi dest bixe.

Her li dû wê çavkaniyê, Trump piştî demeke kêm gotara serkeftinê li beranberî alîgirên xwe li wîlayeta Filorîdayê pêşkêş dike.

Li dû encamên berahiyê yên hilbijartinan, Partiya Komariyan piraniya Civata Nûneran û Civata Pîran bi dest xistine.

Encamên berahiyê yên hejmara kursiyên Civata Pîran:

-         Partiya Komariyan: 51 kursî

-         Partiya Demokratan: 41 kursî

Encamên berahiyê yên hejmara kursiyên Civata Nûneran:

-         Partiya Komariyan: 190 kursî

-         Partiya Demokratan: 159 kursî