Komisyon: PDK li parêzgeha Neynewayê yekem e

Navenda Nûçeyan (K24) – Komîsyona Bilind a Serbixwe ya Hilbijartinan a Iraqê, encamên destpêkê yên hilbijartinên giştî û taybet belav kir û Partiya Demokrata Kurdistanê (PDK) pileya yekemîn bidest xist.

Komîsyona Bilind a Serbixwe ya Hilbijartinan a Iraqê îro 12ê Mijdarê, amarên dengdana giştî û taybet li parêzgeha Neynewayê ragihand.

Li gorî daneyên li Parêzgeha Neynewayê:

·         Hejmara kesên ku li wê parêzgehê deng dane: Milyonek û 353 hezar û 365 dengdêr.

·         Rêjeya beşdariyê di dengdanê de: %65.09.

Encamên destpêkê yên dengên partiyan li Neynewayê:

·         Partiya Demokrata Kurdistanê (PDK): 189 hezar û 120 deng.

·         Partiya Teqedûm: 157 hezar û 283 deng.

·         Hevpeymana Avakirin û Pêşketinê: 146 hezar û 724 deng.

·         Partiya Neynewa ji bo Gelê Wê: 111 hezar û 5 deng.

·         Hevpeymana Ezm: 100 hezar û 853 deng.

·         Partiya Hesm a Niştimanî: 89 hezar û 492 deng.

·         Rêxistina Bedir: 77 hezar û 6 deng.

Duh Sêşemê, 11ê Mijdara 2025an, dengdana giştî ji bo hilbijartinên xula şeşemîn a Encûmena Nûneran a Iraqê hatibû kirin. Li gor encamên destpêkê, Partiya Demokrata Kurdistanê karîbû li ser asta Iraqê û Herêma Kurdistanê dengên herî zêde bi dest bixe.