Qubad Talebanî: Êrîşa li ser Nivîsîngeha Serokwezîr rêznegirtina li rola aştîxwazane ya Kurdistanê ye

Navenda Nûçeyan (K24) – Cîgirê Serokwezîrê Herêma Kurdistanê Qubad Talebanî armancgirtina Nivîsîngeha Serokwezîr Mesrûr Barzanî bi tundtirîn awa şermezar kir û ragihand ku ev binpêkirineke xeter a serweriya Iraqê ye.

Cîgirê Serokwezîrê Herêma Kurdistanê Qubad Talebanî îro Duşemê, 17ê Tebaxa 2026ê, di peyamekê de bi tundtirîn awa êrişa li ser nivîsîngeha taybet a Serokwezîrê Herêma Kurdistanê Mesrûr Barzanî şermezar kir.

Cîgirê Serokwezîr di peyama xwe de destnîşan kir ku helwesta Herêma Kurdistanê ji destpêka şer û aloziyên deverê ve gelek ron, aştîxwazane û eşkere bûye.

Qubad Talebanî tekez jî kir ku ev êriş ne tenê rêznegirtina li helwest û rola aştîxwazane ya Herêma Kurdistanê ye, belku binpêkirineke xeter a serweriya axa Iraqê ye jî.

Serê sibeha îro, êrişeke dronî li ser nivîsîngeha taybet a Serokwezîrê Herêma Kurdistanê Mesrûr Barzanî û cihê manê yê Rêveberê Ajansa Parastinê li qezaya Pîrmamê hate kirin.