Mesrûr Barzanî û Balyozê Îtalyayê berdewamiya piştevanîkirina hêza Pêşmergeyan tekez kir

Navenda Nûçeyan (K24) – Serokê Hikûmeta Herêma Kurdistanê pêşwazî li Balyozê Îtalyayê li Îraqê kir û pê re li ser çend mijarên giring ên deverê û budceya Herêma Kurdistanê civiya.

Serokê Hikûmeta Herêma Kurdistanê Mesrûr Barzanî îro Çarşemê, 16ê Îlona 2026ê, pêşwazî li Balyozê Îtalyayê li Îraqê Niccolò Fontana kir. 

Di civînê de guhertin û pêşveçûnên dawiyê yên Îraq û deverê hatin nîqaşkirin û tekez li ser xurtkirina peywendiyên Herêma Kurdistanê û Îtalyayê û berdewamiya piştevanîkirina Hêzên Pêşmergeyan hate kirin.

Di wê civînê de behsa pirsgirêkên navbera Herêma Kurdistanê û Hikûmeta Federal jî hatin kirin. Serokê Hikûmeta Herêma Kurdistanê tekez li ser parastin û rêzgirtina li mafên destûrî û para budceya Herêma Kurdistanê di budceya giştî ya federal a sala 2027ê kir, ku divê bi awayekî dadperwerane bê terxankirin.

Di pareke din a wê hevdîtinê de, Konsulê Giştî yê Îtalyayê li Herêma Kurdistanê Tommaso Sansone kurteyek li ser kar û xebatên wan ên avakirina avahiya nû ya konsulxaneya wan li Hewlêrê pêşkêş kir.