Albûma nû ya Sîmir Rûdan "Ez û Gîtara Xwe" derket

Navenda Nûçeyan (K24) – Muzîkjen Sîmir Rûdan di 9ê Cotmehê de albûma xwe ya sêyem a bi navê "Ez û Gîtara Xwe" gihand ber destê hezkiriyên muzîka kurdî. 

Albûm ji deh stranên solo pêk tê û di tevahiya berhemê de tenê dengê hunermend û tembûra gîtara wî tê bihîstin.
Ev tercîha hunermend ji sînordarkirineke teknîkî wêdetir, wekî şêwazek estetîk a vegotinê derdikeve pêş. Rûdan bi vê mînîmalîzmê rê nade ku qelebalixiya amûran bikeve pêşiya peyvan û bi vî awayî giraniyê dide ser hêza gotinê.

Di vê xebatê de gîtar ne tenê amûreke li pey vokalê ye, berevajî vê, rasterast dibe hevala sereke ya vegotinê.

Sîmir Rûdan ku beriya niha bi albûmên "Bi Çîrokî" (2013) û "Kevî" (2019) derketibû pêşberî guhdaran, bi vê berhema sêyemîn qonaxeke nû û xwerû li karnameya xwe ya muzîkê zêde dike.