Siyasî

Mesrûr Barzanî sersaxiyê ji serokkomar û gelê Tirkiyeyê re dixwaze

Mesrûr Barzanî
Mesrûr Barzanî
Kurdistan

Navenda Nûçeyan (K24) – Serokê Hikûmeta Herêma Kurdistanê di peyamekê de hevsozî û xemgîniya xwe bo qurbaniyên rûdana teqîna bajarê Izmirê yê Tirkiyeyê diyar kir û sersaxî ji Serokkomar û gelê wî welatî re xwest.

Serokê Hikûmeta Herêma Kurdistanê Mesrûr Barzanî Îro Sêşem, 10ê Mijdara 2026ê, li ser hesabê xwe yê fermî yê tora civakî ya "X"ê peyamek belav kir û tê de amaje da ku ji ber mirina hejmareke welatiyan ji ber wê teqîna wêranker, ku li kargeheke asinî li bajarê Izmirê yê Tirkiyeyê rû da, ew gelek xemgîn e.

Di pareka din a peyama xwe de, Mesrûr Barzanî sersaxî ji Serokkomarê Tirkiyeyê Recep Tayyip Erdogan û gelê Tirkiyeyê û malbatên wan qurbaniyan re dixwaze.

Serokê Hikûmeta Herêma Kurdistanê hevsoziya xwe bo tevaya lêqewimiyan diyar dike û hêviya çarebûna bilez ji bo birîndaran jî dixwaze.

Ew teqîn duhî Duşem, 9ê Mijdara 2026ê, li kargeha asin û polayî ya HABAŞê li devera Aliagayê ya parêzgeha Izmirê rû da û piştî wê yekê jî agirekî mezin berbû wî cihî. Di encama wê rûdanê de jî, 17 karker mirine û 14 kesên din jî birîndar bûne.

 

Kurdistan24 ,