پەیامی پیرۆزبایی نێچیرڤان بارزانى بۆ پەیرەوانى کلێسای ئەرمەنیی ئەرتۆدۆکس

K24- هه‌ولێر:

به‌بۆنه‌ی جه‌ژنی له‌دایكبوونی حه‌زره‌تی مه‌سیحه‌وه‌، نێچیرڤان بارزانی، سه‌رۆكی هه‌رێمی كوردستان په‌یامێكی پیرۆزبایی ئاراسته‌ی په‌یڕه‌وانی كلێسای ئه‌رمه‌نی ئه‌رتۆدۆكس له‌ كوردستان، عێراق و جیهان ده‌كات.

ده‌قی په‌یامی نێچیرڤان بارزانی:

جەژنی لەداییکبوونی حەزرەتی مەسیح بە گەرمى لە هەموو خوشك و برایانى پەیڕەوانى كلێسای ئەرمەنیی ئەرتۆدۆکس لە کوردستان و عێراق و جیهان پیرۆز دەکەم. هیوادارم جەژن ببێتە مایەی خێر و خۆشیی کوردستانییان و سەرجەم گەلان و بەرقەراربوونی ئاشتی و ئارامی لە ناوچەکەماندا.

هەرێمى کوردستان، لانەى پێکەوەژیان و لێبوردەیی و ماف و ئازادییەکانی سەرجەم پێکهاتە نەتەوەیی و ئایینییەکانیەتی، لەم یادەدا جەخت لە پاراستن و پتەوترکردنی بنەماکانی ئەم کولتوور و بەهایانە دەکەینەوە و هەموومان پێکەوە لەپێناو قووڵکردنەوەیاندا کاردەکەین.

جەژن و پشوویەکى ئارام بۆ هەمووان دەخوازم و هەموو ساڵێك بە خۆشى.

نێچیرڤان بارزانى

سەرۆکى هەرێمى کوردستان

6/1/2020

H.B