ئیمارات داوا لە ئەنجوومەنی ئاسایش دەکات هێرشەکەی سەر وێستگەی ئەتۆمی 'بەراکە' سەرکۆنە بکات
ئیمارات داوا لە ئەنجوومەنی ئاسایشی نێودەوڵەتی دەکات، هێرشە "تیرۆریستییەکەی" سەر وێستگەی وزەی ئەتۆمیی 'بەراکە' سەرکۆنە بکات و جەخت لەوە دەکاتەوە، کە رێگە بە هیچ هەڕەشەیەک بۆ سەر ئاسایش و سەروەرییەکەی نادات.
نێردەی دەوڵەتی ئیمارات لە نەتەوە یەکگرتووەکان، لە راگەیەندراوێکدا لە سۆشیاڵ میدیای ئێکس بڵاویکردەوە، وڵاتەکەی لە کۆبوونەوەیەکی نائاسایی ئەنجوومەنی ئاسایشدا گوتارێک پێشکەش دەکات، ئەمەش دوای ئەوەی هێرشێکی "تیرۆریستیی بێ پاساو" کرایە سەر موەلیدەیەکی کارەبا لە دەرەوەی چوارچێوەی ناوخۆیی وێستگەی 'بەراکە' بۆ وزەی ئەتۆمی لە ناوچەی 'زەفرە'.
ئیمارات داوای لە ئەنجوومەنی ئاسایش کردووە، بە توندترین شێوە ئەم "گرژییە مەترسیدارە" سەرکۆنە بکات. نێردەی ئیمارات ئاماژەی بەوەش کردووە، کە کردنیە ئامانجی دامەزراوەکانی وزەی ئەتۆمیی ئاشتییانە، پێشێلکارییەکی زەقی یاسا نێودەوڵەتییەکان و میساقی نەتەوە یەکگرتووەکانە.
لە راگەیەندراوەکەدا هاتووە، کە ئەم جۆرە کارە تێکدەرانە مەترسی بۆ سەر ئاشتی و سەقامگیری ناوچەکە و جیهان دروست دەکەن. هاوکات ئیمارات جەختی کردەوە، کە "لەژێر هیچ بارودۆخێکدا چاوپۆشی لە هیچ هەڕەشەیەک ناکات کە ئاراستەی ئاسایش و سەروەریی وڵاتەکەی بکرێت."