پۆلیسی هەولێر: رووداوەکەی بازاڕی قەیسەری بەهۆی کێشەی کۆمەڵایەتی بووە
بەڕێوەبەرایەتیی پۆلیسی پارێزگای هەولێر لە روونکردنەوەیەکدا رایگەیاند، ئەمڕۆ شەممە 18ـی تەممووزی 2026، لە بازاڕی قەیسەریی ناو زێڕنگەران بەهۆی کێشەیەکی کۆمەڵایەتیی کۆنەوە، دەمەقاڵێ و شەڕ لە نێوان دوو لایەندا روویدا.
شەممە 18ـی تەممووزی 2026، بەپێی راگەیەندراوێکی بەڕێوەبەرایەتی پۆلیسی پارێزگای هەولێر، بە هۆی کێشەیەکی کۆمەڵایەتیی کۆنی نێوان دوو لایەن، رووداوێکی تەقەکردن لە بازاڕی قەیسەری و نێو زێڕنگەران روویداوە، بەهۆیەوە هاووڵاتییەک بریندار بووە.
ئاماژەی بەوەشکردووە، هێزەکانی پۆلیسی هەولێر دەستبەجێ گەیشتوونەتە شوێنی رووداوەکە و توانیویانە هەردوو لایەنی شەڕەکە دەستگیر بکەن.
لە کۆتاییدا پۆلیسی هەولێر رایگەیاندووە، لە ئێستادا بە بڕیاری دادوەری لێکۆڵینەوەی هەولێر، پەڕاوی لێکۆڵینەوەی یاسایی بۆ رووداوەکە رێکخراوە و رێکارەکان دەستیان پێکردووە تاوەکو یاسا بەرامبەر هەمووان سەروەر بێت.