Bi kurdî axaft, FoxTv tirkî dengê wî birî

K24 – Navenda Nûçeyan

Di bernameya “Kaybolan Çiçekler” (Gulên wendabûyî) ya Fox TV a Tirkî de, hevwelatiyek gava bi kurdî derdê xwe anî ziman, telewizyona dengê wî birî.

Herweha birêvabira bernameyê Inci Ertugrul daxwaz ji hevwelatiyê Kurd kir ,  “bi tirkî biaxife, ji  bo ku her kes tê bigihe”.

Liser van gotinên Ertugrul, beşdarên din ên bernameyê li çepikan xistin û hevwelatiyê bi nave Sidiq destpêkir bi tirkî biaxife. Inci Ertugrul kêfxweş bû û diyarkir: “Binere, tu çi xweş bi tirkî diaxife”.

Lê di medya civatî de bi taybetî Kurdan dilgiraniya xwe ji helwêsta Fox TV anîn ziman, ku nehiştin Kurdek bi zimanê xwe bipeyive.