Wezîrê Derve yê Fransayê gihîşt Hewlêrê

K24 – Navenda Nûçeyan

Wezîrê Derve yê Fransayê Jean-Yves Le Drian gihîşte Hewlêrê Paytexta Herêma Kurdistanê û ji aliyê Serokwezîrê Herêma Kurdistanê Nêçîrvan Barzanî ve pêşwazî lê hate kirin.

Îro Wezîrê Derve yê Fransayê bi serdanekê gihîşte Bexdayê û ligel berpirsên pilebilind ê hikûmeta Iraqê civiyabû.

Piştî Bexdayê Jean-Yves Le Drian gihîşt Hewlêrê û li Firokxaneya Navdewletî ya Hewlêrê ji aliyê Serokwezîrê Herêma Kurdistanê Nêçirvan Barzanî ve pêşwazî lê hate kirin.

Peyamnêrê K24ê li Firokxaneya Navdewletî ya Hewlêrê da zanîn, Wezîrê Derve yê Fransayê ligel Serokwezîrê Herêma Kurdistanê Nêçirvan Barzanî, Serok Mesûd Barzanî û Şêwirmendê Encûmena Asayişa Herêma Kurdistanê Mesrûr Barzanî dicive.

Peyamnêrê K24ê amaje bi wê yekê kir, di çarçova serdana xwe de Jean-Yves Le Drian bi berpirsên Herêma Kurdistanê re pirsa Kurd li Sûriye, pêwendiyên di navbera her du aliyan û rewşa siyasî ya Iraqê guftûgo dike.

S. B