Goran: Yasaya Serokatiya Herêmê serrast nebe, hikûmet pêk nayê
Serokê Firaksiyona Tevgera Goranê di Parlemantoya Kurdistanê de ragihand, beşek ji rêkeftina di navbera PDK û Goranê de ew e, yasaya Serokatiyê bê serrastkirin û Serokê Herêmê ji nava Parlemantoyê bê hilbijartin û piştre desthilatên wî di destûrê de bên yekalîkirin.
K24 – Navenda Nûçeyan
Serokê Firaksiyona Tevgera Goranê di Parlemantoya Kurdistanê de ragihand, beşek ji rêkeftina di navbera PDK û Goranê de ew e, yasaya Serokatiyê bê serrastkirin û Serokê Herêmê ji nava Parlemantoyê bê hilbijartin û piştre desthilatên wî di destûrê de bên yekalîkirin.
Serokê Firaksiyona Tevgera Goranê Elî Heme Salih di konferanseke rojnamevanî de ragihand, di sala 2018an me dezgeha Serokatiya Herêma Kurdistanê ji bo derfetek çê bibe û hilbijartina Serokê Herêmê di nava Parlemantoyê de bê hilbijartin, ne ji aliyê xelkê ve.
Got jî: Hilbijartina Serokê Herêmê di parlemantoyê de daxwazeke me ye. Ji me re gelekî girîng e Yekîtiya Niştimanî ya Kurdistanê jî di nava çarçova vê proseyê de be û kar bikin ji bo çespandina awayê hilbijartina Serokê Herêma Kurdistanê di destûrê de jî.
Diyar kir jî, ew yasaya rehenda wan a niştimanî heye û divê komdengî li ser hebe, lê serrastkirina yasaya Serokatiyê neyê kirin, hikûmet jî pêk nayê û nikarin çaksaziyê bikin.
Ev yek didemekê de ye, îro 68 parlemanteran pêşniyaza projeyasayek pêşkêşî Serokatiya Parlemantoya Kurdistanê kirin, ji bo Serokatiya Herêma Kurdistanê bê aktîvkirin û awayê hilbijartina Serokê Herêma Kurdistanê bê serrastkirin heta pesendkirina destûrê û ew projeyasa bikeve bernameya karê Parlemantoya Kurdistanê ji bo guftûgo li ser bê kirin û bê pesendkirin.
S. B
