Şanda Hikûmeta Herêma Kurdistanê serdana Bexdayê dike
Sibe roja çarşemê 9ê Kanûna 2020an, şanda bilind a Hikûmeta Herêma Kurdistanê bi serokatiya Cîgirê Serokwezîr Qubad Talebanî dê serdana Bexdayê bike.
Hewlêr (K24) – Sibe roja çarşemê 9ê Kanûna 2020an, şanda bilind a Hikûmeta Herêma Kurdistanê bi serokatiya Cîgirê Serokwezîr Qubad Talebanî dê serdana Bexdayê bike.
Berdevkê Cîgirê Serokwezîrê Herêma Kurdistanê Semîr Hewramî li ser vê mijarê ji Kurdistan24ê re agahî dan.
Semîr Hewramî eşkere kir: “Bi mebesta berdewamkirina gotûbêjan û gihiştina rêkeftinê li ser kêşeyên hilawestî û bi taybetî li ser mijara darayî û cîgirkirina heqên darayî yên Herêma Kurdistanê di projeyasaya budceya sala 2021ê ya Iraqê, şanda Hikûmeta Herêma Kurdistanê sibe serdana Bexdayê dike.”