Pederson: Bê hevkariya navdewletî Komîteya Destûrê bi pêş nakeve
Gera pêncemîn a danûstandinên Komîteya Destûrî ya Sûriyê sibe Duşemê li Cenêvê dest pê dike.
Navenda Nûçeyan (K24) – Nunerê Neteweyên Yekgirtî ji bo Sûriyê Geir Pedersen aramiya di mehên dawî de li Sûriyê çêbûye bi lawazî bi nav kir û hişyarî da û got: Pêwîstiya vê rewşê bi danûstandinên rasteqîne heye, ji ber ku dibe ku di her kêliyekê de hibilweşe.
Pedersen di civîneke çapemeniyê de berî gera pêncemîn a danûstandinên Komîteya Destûrî ya Sûriyê ku tê payîn roja sibe Duşemê li Cenêvê pêk were got: Tevî ku ev 10 meh in li Sûriyeyê de aramiyek çêbûye û di eniyên şer pêşî de hin guhartin çêbûne, lê dibe ku rewş di her kêliyekê de were hilweşandin."
Pedersen ev aramî weke 'qels' bi nav kir û got, "Komîteya Destûrê nikare bêyî aliyên din kar bike."
Herwiha da zanîn jî, pêwîstî bi hevkariya navnetewî û danûstandinên rasteqîne heye û divê aliyên cuda bicivin û vê pêvajoyê bi pêş ve bibin. Got jî, "Eger ev vîna siyasî nebe, dê gelekî zehmet be ku pêvajo (karên Komîteya Destûrê) bi pêş ve here."
Desteya Biçûk a Komîteya Destûrê ku 45 endaman pêk tê, 15 nûnerên rêjîmê, 15 nûnerên opozîsyonê û 15 nûnerên civaka sivîl, heta niha 4 gerên danûstandinan li Cenêvê di bin serperiştiya navdewletî kirine.
Gera çaremîn di 4.12.2020an de bêyî ku encamên berbiçav jê derkevin bi dawî bû.