Li Herêma Kurdistanê hejmara pêketiyên Koronayê zêde dibe
Wezareta Tendirustiyê ya Herêma Kurdistanê ragihand; di 24 demjimêrên borî de 237 kes bi vîrûsa koronayê (Covid-19) ketine.
Hewlêr (K24) – Wezareta Tendirustiyê ya Herêma Kurdistanê ragihand; di 24 demjimêrên borî de 237 kes bi vîrûsa koronayê (Covid-19) ketine û 3 kesan canê xwe ji dest dane.
Wezareta Tendirustiyê di daxuyaniya xwe de eşkere kir; di 24 demjimêrên borî de 237 kes bi vîrûsa koronayê ketine, ku ji wan 112 kes li Hewlêrê, 45 kes li Silêmaniyê, 72 kes li Duhokê û 8 kes li Germiyanê ne.
Herwiha ragihand ku di nav 24 demjimêran de 3 kesan jiyana xwe ji dest dane, ku ji wan 2 kes li Hewlêrê û 1 kes jî li Duhokê ye.
Li ser hejmara nexweşên baş bûne, hat eşkerekirin ku di 24 demjimêran de 174 kes ji vê nexweşiyê rizgar bûne, ku ji wan 43 kes li Hewlêrê, 38 kes li Silêmaniyê, 87 kes li Duhokê û 6 kes li Germiyanê ne.
Amarên giştî:
Pêketin: 109587
Mirin: 3525
Başbûn: 103918
Wezareta Tendirustiyê, ji bilî ku destxweşiyê li karmendên tendirustiyê û hemû tîmên bijîşkî yên li ser kar in dike, careke din ji welatiyan daxwaz dike, pabendî rênimayên tendirustiyê bibin û ji cihê qerebalix dûr bikevin û mask û lepikan bikar bînin. Herwiha gava hewce bû telefonî hejmara 122ê bikin ku xeta yekser a ji bo Covid-19ê ye.