Peyama pîrozbahiyê ya Serokwezîr bi helkefta hatina sersala olî ya Êzîdiyan

Hewlêr (K24) - Bi helkeftina hatina cejna sersala nû ya ola Êzîdiyan, Serokwezîrê Herêma Kurdistanê Mesrûr Barzanî peyameke pîrozbahiyê pêşkêşî tevaya Êzîdiyên Kurdistan û cîhanê kir.

Peyama pîrozbahiyê ya Serokwezîr Mesrûr Barzanî wiha ye:

Bi helkefta cejna sersala olî ya Êzîdiyan, pîrozbahiyeka germ li xuşk û birayên Êzîdî li Kurdistanê û cîhanê dikim. Hêvîdar im sala nû, sala şadî û bexteweriyê û bi dawî hatina derdeserî û nexoşiyan be.

Bi vê helkeftê, xuşk û birayên Êzîdî piştrast dikin, ku Hikûmeta Herêma Kurdistanê piştevaneka bihêz e ji bo daxwaziyên rewa yên Êzîdiyan û hemû şiyanan dê bi kar bîne ji bo xizimetkirina pitir ya Êzîdiyan û karkirin ji bo vegera awareyan û avedankirina deverên Êzîdiyan bi hevkarî ya hikûmeta Iraqê û civaka navdewletî.

Bêguman bicihanîna rêkeftinnameya Şingalê ya di navbera Hikûmeta Herêma Kurdistanê û hikûmeta federal a Iraqê û derketina mîlîşiya û çekdarên neyasayî ji Şingalê egerekê girîngê vegera êminahî û seqamgîriyê ye ji bo deverê.

Mesrûr Barzanî

Serokwezîrê Herêma Kurdistanê