Hesen Nesrullah daxwaz kir ku Rojavayê Kurdistanê bikeve bin destê hikûmeta Sûriyê
Serokê Hizbullaha Lubnanê Hesen Nesrullah gef li Rojavayê Kurdistanê xwar.
Navenda Nûçeyan (K24) - Serokê Hizbullaha Lubnanê Hesen Nesrullah gef li Rojavayê Kurdistanê xwar û ragihand; divê ew der bikeve bin destê hikûmeta Sûriyê.
Hesen Nesrullah ku girêdayî Îranê ye, îro di gotarekê de bi tundî êrîşî Amerîkayê kir û ragihand; Amerîka li Iraq û Sûriyê dagîrker e û divê ji wan welatan derkeve.
Bi gotina serokê Hizbullahê, Amerîka ji bo perçekirina Sûriyê li wî welatî ye û nefta Sûriyê didize û derbasî Iraqê dike.
Hesen Nesrullah gef li Roavayê Kurdistanê jî xwar û got, divê deverên bakurê Sûriyê (Rojavayê Kurdistanê) bikevin bin destê hikûmeta Sûriyê.
