Li Serê Kaniyê serkirdeyekî El Qaîdeyê hat kuştin
Rewangeha Sûrî bo Mafên Mirovan ragihand; firokeyeke bêfirokevan a Hevpeymaniya Navdewletî serkirdeyekî El Qaîdeyê kire armanc.
Navenda Nûçeyan (K24) - Serkirdeyekî berê yê El Qaîde û DAIŞê ligel du pasevanên pê re di êrîşeke Hevpeymaniya Navdewletî de li Serê Kaniyê hatin kuştin.
Rewangeha Sûrî bo Mafên Mirovan ragihand; firokeyeke bêfirokevan a Hevpeymaniya Navdewletî li gundê Edwaniye yê li Serê Kaniyê, Ebû Hemze Şihêl damezirênerê Bereya El Nusra kiriye armanc, di encamê de Ebû Hemze Şihêl ligel du pasevanên xwe hatin kuştin.
Ebû Hemze Şihêl yek ji damezirênerên Bereya El Nusra ye ku rêxistineke ser bi El Qaîde ye û piştre ev serkirde tevlî rêzên rêxistina DAIŞê bûye û piştî dagirkirina Serê Kaniyê ji aliyê Tirkiyê ve tevlî rêzên grûpa bi navê Ehrar El Şerqiye bibû û bi dehan kes li ser destê wî li wê navçeyê hatine kuştin.