Li Amerîkayê di Cejna Pîrhebokan de 12 kes hatin kuştin

Navenda Nûçeyan (K24) – Ji eyaleta California heta eyaleta Florida, li cihên cuda cuda yên Amerîkayê di pîrozbahiyên Cejna Pîrhebokan (Halloween) de 12 kes hatin kuştin û 52 kes birîndar bûn.

Li gor malperên CNN û Arşîva Tundiya Çekdarî ku li ser bûyerên çekdarî yên li Amerîkayê zanyarî belav dike ragihand; ji eyaleta California heta eyaleta Florida, li cihên cuda cuda yên Amerîkayê di pîrozbahiyên Cejna Pîrhebokan (Halloween) de êrîşên çekdarî rûdan û di encama êrîşan de 12 kes hatin kuştin û 52 kes birîndar bûn.

Herwiha ragihandine ku di sala 2021ê de li seranserê Amerîkayê 599 êrîşên bi vî rengî yên çekdarî rûdane û ev hejmar di sala 2020an de 611, di sala 2019an de jî 417 bû.