Serok Barzanî ji ber koça dawî ya hevjîna Nîhad Barzanî peyamek sersaxiyê belav kir

Navenda Nûçeyan (K24) – Serok Mesûd Barzanî ji ber koça dawî ya hevjîna Nîhad Barzanî peyameke sersaxiyê belav kir û ragehand, ji ber tedbîrên xweparastina ji vîrûsa Koronayê taziye nayê danîn.

Serok Mesûd Barzanî Îro 03.11.2021ê peyamek serxweşiyê belav kir û ragehand: Mixabin duh 02.11.2021ê jinbirayê min Mizefer Mistefa Beg ku hevjîna Nîhad Barzanî ye, ji ber nexwaşiyê koça dawî kir.

Serok Barzanî di beşeke din a peyama xwe de dibêje: Hêviya şîfa û selametiyê ji bo hemû nexwaşan dixwazim û ji Xwedayê mezin daxwaz dikim li miriyên hemû aliyan efû bike.

Serok Barzanî ragihand, ji ber tedbîrên rêgiriyê li belavbûna nexwaşiya Koronayê û ji ber parastina selametiya xelkê taziye nayê danîn.