Omicron gihişt Bakurê Kurdistanê
Wezareta Tenduristiyê ya Tirkiyê ragihand, cureya Omicron li Şirnex û Amedê hatiye dîtin
Navenda Nûçeyan (K24) – Wezareta Tendirustiya Tirkiyê diyar kir, heta niha li Tirkiye û Bakurê Kurdistanê 42 kes bi vîrûsa guhertî “Omicron” ketine.
Li gor daxuyaniya Wezareta Tendirustiya Tirkiyê, Omicron li 4 bajarên Tirkiyê û du bajarên Bakurê Kurdistanê belav bûye.
Tendirustiya Tirkiyê ragihand, 30 kes li Stenbolê, 6 kes li Îzmîrê, 2 kes li Kûtahya, 2 kes li Îsparta, kesek li Şirnexê û kesek ji li Diyarbekirê bi vîrûsa Omicronê ketine.
Heta niha li Tirkiye û Bakurê Kurdistanê 3 hezar û 73 kes bi vîrûsa Delta û 42 kes jî bi vîrûsa Omicronê ketine.
