Amerîkayê derbarê êrîşa mûşekî ya Dîlokê de daxuyaniyek da
Balyozxaneya Amerîkayê ya li Enqerê ji bo kesên di êrîşa mûşekî ya navçeya Gilgamêş a Dîlokê ya Bakurê Kurdistanê de canê xwe ji dest dane daxuyaniyek belav kir.
Navenda Nûçeyan (K24) - Balyozxaneya Amerîkayê ya li Enqerê ji bo kesên di êrîşa mûşekî ya navçeya Gilgamêş a Dîlokê ya Bakurê Kurdistanê de canê xwe ji dest dane daxuyaniyek belav kir.
Di daxuyaniya xwe de Balyozxaneya Amerîkayê ya li Enqerê diyar kir: “Wek Nûnerê Dîplomasî ya Amerîkayê ya li Tirkiyê, îro em bi gelê Tirk re ne ku ji ber li Gilgamêşê 3 mirovên bêguneh jiyana xwe ji dest dane, şînê digirin. Em vê tundiyê û êrîşa ku rewa nayê dîtin bi tundî şermezar dikin.”
Îro danê sibê, 5 mûşek li qezaya Gilgamêşê ya ser bi parêzgeha Dîloka Bakurê Kurdistanê ve ketin û di encamê de 3 kes hatin kuştin.
Wezîrê Navxwe yê Tirkiye Suleyman Soylu ragihand, di encama êrîşê de 3 kes hatine kuştin, di nav wan de mamosteyek û zarokek hene. Her wiha 10 kesên din jî birîndar bûn.
Hat zanîn jî, mûşekek li kamyonekê ku di rê de bû ketiye, mûşekên din jî li cih û baxçeyên vala ketin.
ABD'nin Türkiye'deki Diplomatik Temsilciliği olarak, bugün Karkamış’ta üç masum insanın hayatını kaybetmesinden dolayı yas tutan Türk halkına katılıyoruz. Bu şiddeti ve haklı görülemeyecek saldırıyı güçlü bir şekilde kınıyoruz.
— U.S. Embassy Türkiye (@USEmbassyTurkey) November 21, 2022