Yekîtiya Lawên Demokrat ên Kurdistanê beşdarî Kampa Ciwanên Navdewletî li Urdinê dibe

Navenda Nûçeyan (K24) – Yekîtiya Lawên Demokrat ên Kurdistanê li Urdinê beşdarî kampeke navdewletî ya ciwanan bi dirûşma “Serkirdeyên Ciwan bo Aştiyê” dibe.

Armanca beşdariyê, rênîşandan û perwerdekirina ciwanên Kurdistanê û naskirina çanda pêkvejiyanê ya Herêma Kurdistanê û dîroka Kurdistanê bi cîhana derve re ye.

Armanceke din a kampê jî, amadekirina Korbenda Ciwanên Rojhilat e ku biryar e roja 12’ê Tebaxê li Hewlêra paytexta Herêma Kurdistanê bê lidarxistin.

Kampa Navdewletî ya Ciwanan bi hevahengî ligel Rêxistina Ciwanan a “Kiluna Urdin” û Enstîtuya Amerîkî ya Perwerde û Pêgehandinê tê organîzekirin.

Ciwanên Herêma Kurdistanê di çarçoveya beşdarbûna xwe de dê çendîn hevdîtinan ligel saziyên hikûmeta Urdinê pêk bînin.