Erdogan: Em bibiryar in şerê çil salî bidawî bikin

Navenda Nûçeyan (K24) – Serokkomarê Tirkiyê Recep Tayîp Erdogan serdana Diyarbekirê kir û di Heştemîn Kongreya Rêxistina Diyarbekirê ya AK Partiyê de axivî. Erdogan got, ew bibiryar in şerê çil salî bidawî bikin û bi vê armancê gavên girîng avêtine. Erdogan bang li PKKê kir xwe hilweşîne û çekên xwe radest bike. 

Erdogan got: “Aramî û çarenivîsa Diyarbekirê, aramî û çarenivîsa Tirkiyeyê ye. Diyarbekir herdem bûye gerdûşa pêkvejiyanê. Biratiya me biratiya Îslamê û qederê ye. Lê hinekan xwestin welat parçe bikin. Em niha di qonaxa dawî ya vê lîstikê de ne. Dema gotina tiştên nû ye. Di şerê çil salî de, dehezarana mirovên me, sed milyar dolarên me vala çûn.” 

Herwiha got: “Di proseyên berê de derfetên dîrokî jidest çûn. Em niha dixwazin rêyeke mayînde bibînin. Bi pêşhatên navçeyê re em pencereyeke nû vedikin. Divê ev jî neyê windakirin. Pêwîst e rêxistina terorê xwe hilweşîne û çekên xwe bi merc radest bike. Divê êdî eşên sed û pêncî salan, taybet yên pêncî salên dawî nemînin.”