Jiyan

Sûkeka navdar a Rûsyayê şewitî

Cîhan Şewat Rûsya

Navenda Nûçeyan (K24) - Agirekê mezin berbû sûka navdar a Pravoberezhnyê ya bajarê St. Petersburgê yê Rûsyayê û di encamê de ew sûk bi temamî şewitî û wêran bû.

Wezareta Hawarhatinê ya Rûsyayê îro (Pêncşem, 11.12.2025) di daxuyaniyekê de got: "Duhî êvarê (Çarşem, 10.12.2025) agir berbû sûka navdar a Pravoberezhnyê ya bajarê St. Petersburgê.

Wezareta Hawarhatinê ya Rûsyayê eşkere jî kir: “Ji bilî şewitîn û wêranbûna tevahiya wê sûkê, kesek miriye û kesekê din jî bi giranî birîndar bûye.”

Li gorî daxuyaniya wezareta navbirî, ev demek e ku pergala haydarkirinê ya wê sûkê rawestiyaye, herwesa termê mêrekî jî di bin kavilên wê sûkê ve hatiye dîtin.

Di wê daxuyaniyê de hatiye gotin, "Ji bilî tîmên agirvemirandinê, ezmûngeheka kîmyayî û tîşkên bizirar a gerok jî pişkinînan ji bo sedema belavbûna madeyên bizirar li derdora wê sûkê dike."

Şahidan jî got: “Ew şewat saet 5:00 ê êvarê çê bû û di demeka gelek kurt de seranserê wê sûkê vegirt.”

Komîteya Vekolanê ya Polîsan pişkdarên wê sûkê bi paşguhkirina şert û mercên silametiyê yên wê sûkê tawanbar dike.

 
 

 

Kurdistan24 ,