Mesrûr Barzanî: Iraqa 'federal' hîn jî bi qanûnên navendî tê birêvebirin

Navenda Nûçeyan (K24) – Serokwezîrê Herêma Kurdistanê di hevpeyvînekê de balê dikşîne ser rewşa siyasî û ewlehî ya Rojhilata Navîn, asta hevahengiya Hewlêrê ligel hikûmeta Iraqê û gelek mijarên din ên rojane. Herwiha, pêgeha hevseng a Herêma Kurdistanê di hawkişêyên Rojhilata Navîn de ronî dike.

Serokwezîr Mesrûr Barzanî îro 9ê Tebaxa 2026an di hevpeyvînekê de ligel kanala asmanî ya 'Al Jazeera', ronahiyê dixe ser komek dozên girîng û rewşa niha ya navçeyê.

Di çarçoveya vê hevpeyvînê de, Serokwezîrê Herêma Kurdistanê şîroveyekê li ser geşedanên siyasî û ewlehî yên Rojhilata Navîn dike.

Herwiha, ew balê dikşîne ser asta hevahengî û peywendiyên çalak ên di navbera Hikûmeta Herêma Kurdistanê û Hikûmeta Federal a Iraqê de. Di heman demê de, nêrîna Hewlêrê ya derbarê peywendî û hevahengiyên ligel Sûriye û Tirkiyeyê jî şîrove dike.

Mijareke din a bernameyê ji bo behsa êrişên mûşekî û dronî yên li ser Herêma Kurdistanê hatiye veqetandin. Di vê barê de, Mesrûr Barzanî tekeziyê li ser helwesta zelal û neguher a Herêma Kurdistanê dike û radigihîne: Herêma Kurdistanê ji destpêkê ve ne bûye parçeyek ji ti şer û nakokiyeke navçeyî, belku her dem wekî faktorekî parastina aştî û aramiya navçeyê tevgeriyaye.

Beşek ji axaftinên Mesrûr Barzanî di hevpeyvîna ligel kanala Al Jazeerayê de:

- Mesrûr Barzanî: Niha Herêma Kurdistanê di qonaxeke din de ye.

- Mesrûr Barzanî: Hejmara Kurdan nêzîkî 50 milyon kesan e.

- Mesrûr Barzanî: Herêma Kurdistanê nabe parçeyek ji ti nakokiyekê, belkû dibe parçeyek ji çareseriyê.

- Mesrûr Barzanî: Divê rêz li serweriya axa Herêma Kurdistanê û Iraqê were girtin.

- Mesrûr Barzanî: Ti aliyekî daxwaz ji Herêma Kurdistanê nekiriye ku bibe parçeyek ji şer.

- Mesrûr Barzanî: Me daxwaz ji partiyên opozîsyona Îranê kiriye ku axa Kurdistanê ji bo dijberiyê bikar neynin.

- Mesrûr Barzanî: Êrişên li ser Herêma Kurdistanê bê hincet bûn û qurbanî di encamê de hebûn.

- Mesrûr Barzanî: Ev 10 sal in hêzên hevpeymanan li binkeya Herîrê nemane.

- Mesrûr Barzanî: Niha ti hêzeke Amerîkî li Herêma Kurdistanê nîne.

- Mesrûr Barzanî: Axa Kurdistanê nebûye gef li ser ewlehiya ti welatekî.

- Mesrûr Barzanî: Di navbera Herêma Kurdistanê û Îsraîlê de ti peywendî nînin.

- Mesrûr Barzanî: Em piştevaniya Elî Zeydî dikin ji bo kontrolkirina çekên li derveyî kontrola dewletê.

- Mesrûr Barzanî: Heta niha hewildaneke cidî ji bo kontrolkirina çekên komên çekdar nîne.

- Mesrûr Barzanî: Pêwîst e Iraq di biryardanê de serbixwe be.

- Mesrûr Barzanî: Pêşbînî ji bo dawiya şerê Amerîka û Îranê nayê kirin.

- Mesrûr Barzanî: Şer bandoreke nerênî li ser aboriya Herêma Kurdistanê û Iraqê kiriye.

- Mesrûr Barzanî: Herêma Kurdistanê ji bo baştirkirina rewşa aborî piştevaniya Elî Zeydî û Bexdayê dike.

- Mesrûr Barzanî: Herêma Kurdistanê pêwîstiyê wê bi veberhênaneke zêdetir heye.

- Mesrûr Barzanî: Sîstema federalî li Iraqê nehatiye cîbicîkirin.

- Mesrûr Barzanî: Eger destûr were cîbicîkirin, gelek pirsgirêk dê werin çareserkirin.

- Mesrûr Barzanî: Me li Herêma Kurdistanê çaksazî kirine û em rûbirûyî gendeliyê bûne.

- Mesrûr Barzanî: Me li Herêma Kurdistanê çavkaniyên xwe piralî kirine.

- Mesrûr Barzanî: Veberhênerên navxweyî di rewşa giran a aborî de alîkar bûne.

- Mesrûr Barzanî: Tirkiye li Herêma Kurdistanê veberhênera biyanî ya herî mezin e.

- Mesrûr Barzanî: Em dostên hemû gelên navçeyê ne.

- Mesrûr Barzanî: Desthilata nû ya Sûriyeyê di çareserkirina pirsa Kurd de cidî ye.

Tê nûkirin..