مەسرور بارزانی: 2025 ساڵی بەدەستهێنانی چەندین دەستکەوت بوو
ئێوارەی ئەمڕۆ یەکشەممە 14ـی کانوونی یەکەمی 2025، مەسرور بارزانی، سەرۆکی حکوومەتی هەرێمی کوردستان، پێشوازی لە باڵیۆز و کونسوڵی گشتی و نێردە و دیپلۆماتی وڵاتان و نوێنەری ئاژانسەکانی نەتەوە یەکگرتووەکان لە هەرێمی کوردستان کرد.
سەرۆکی حکوومەت لە گوتەیەکدا، وێڕای پیرۆزبایی جەژنەکانی لەدایکبوون و ساڵی نوێ، هیوای خواست ساڵی نوێ، ساڵی خۆشی و شادی و ئاشتی و ئارامی بێت بۆ هەرێمی کوردستان و جیهان.
مەسرور بارزانی، سەرۆکی حکوومەتی هەرێمی کوردستان ئاماژەی دا کە 2025 ساڵی سەرکەوتنی چاکسازییەکانی حکوومەتی هەرێم و بەدەستهێنانی چەندین دەستکەوت بووە، بەڵام بە داخەوە لەم ڕۆژانە کارەساتی سروشتی ڕووداوی لافاویش لە چەند ناوچەیەکی کوردستان بە تایبەتی چەمچەماڵ ڕوویدا.
سەرۆکی حکوومەت هەروەها تیشکی خستە سەر دوایین گۆڕانکاری و پێشهاتەکانی دۆخی گشتیی عێراق و هەرێمی کوردستان و هەوڵ و گفتوگۆکانی پێکهێنانی کابینەی نوێی عێراق و حکوومەتی هەرێمی کوردستان.
It was a pleasure to welcome ambassadors, CGs, envoys, diplomats, and representatives of UN agencies and militaries.
— Masrour Barzani (@masrourbarzani) December 14, 2025
As we celebrate Christmas and the new year, I hope the year ahead brings joy, prosperity, peace, and stability to the Kurdistan Region, Iraq, and the world. pic.twitter.com/nvv49T1RKi
