Li Enqerê 2 endamên DAIŞê hatin kuştin
Li paytexta Tirkiyê Enqereyê di encama operasyonekê de 2 endamên DAIŞê ji aliyê polîsan ve hatin kuştin.
K24 – Navenda Nûçeyan
Li paytexta Tirkiyê Enqereyê di encama operasyonekê de 2 endamên DAIŞê ji aliyê polîsan ve hatin kuştin.
Piştî ku polîsên Enqereyê berî demekê endamekî DAIŞê girtin û li ser îfadeyên wî endamî, polîsan îro danê sibehê li navçeya Etîmesgut ya Enqereyê li dijî avahiyekê operasyon pêkanîn.
Hat ragihandin, polîsan dergehê xanî şikandin û 2 endamên DAIŞê yên amadekariyên êrişekê dikirin, kuştin. Herwiha di mala ku lê hatine kuştin de çek û teqemenî hatin bidestxistin.
Hîn nasnameya wan herdu çekdarên DAIŞê nehatiye diyarkirin.