Yekgirtûya Îslamî ji Parlamentoya Kurdistanê vedikişe
Encûmena Serkirdetiya Yekgirtûya Îslamî ya Kurdistanê biryar da, piştî 6ê Mijdarê, neçin hola parlamentoyê û ji Parlamentoya Kurdistanê vekişin.
Hewlêr (K24) – Encûmena Serkirdetiya Yekgirtûya Îslamî ya Kurdistanê biryar da, piştî 6ê Mijdarê, neçin hola parlamentoyê û ji Parlamentoya Kurdistanê vekişin.
Yekgirtûya Îslamî ya Kurdistanê îro çarşemê 12ê Cotmeha 2022yan bi daxuyaniyekê ragihand, Encûmena Serkirdetiya Yekgirtûya Îslamî ya Kurdistanê bi serperiştiya Serokê Encûmenê Dr. Hadî Elî û bi amadebûna Sekreterê Giştî Selahedîn Mihemed Behaedîn civîneke neasayî encam da.
Di daxuyaniyê de hat eşkerekirin: “Di civînê de mijara nîşandana helwestê li hember dirêjkirina temenê Parlamentoya Kurdistanê bi awayekî neyasayî gotûbêj kir û Encûmena Serkirdetiyê biryar da ku parlamenterên Fraksiyona Yekgirtû ji roja 6/11/2022yan şûnde, ku dema yasayî ya parlamentoyê temam dibe, ji Parlamentoya Kurdistanê vekişe.”