McGurk li Enqere ye
Nûnerê Taybet ê Amerîkayê yê di şerê DAÎŞê de Bret McGurk piştî hevdîtinên xwe yên digel Hêzên Suriyeyeya Demokratîk gihişt Enqereyê.
K24 – Navenda Nûçeyan
Nûnerê Taybet ê Amerîkayê yê di şerê DAÎŞê de Bret McGurk piştî hevdîtinên xwe yên digel Hêzên Suriyeyeya Demokratîk gihişt Enqereyê.
Li gor medyaya Tirkiyeyê Bret McGurk îro gihiştiye Enqereyê û dê li Wezareta Derve û Wezareta Berevaniya Tirkiyeyê çend hevdîtinan pêk bîne. McGurk duh û pêr li Eynl Îsa û Tebqayê digel Hêzên Suriyeyeya Demokratîk HSDyê civiyabû.
Berî niha Tirkiye MC Gurkî bi piştgirîkirina terorê tohmetbar kiribû û daxwaza jikardûrxistina wî ji Amerîkayê kiribû. Ji alîkî din ve serdana MC Gurk demek wisa de pêk tê ko Tirkiye amedekariya êrîşeka li dijî Efrînê dike.