Daxuyaniya Wezareta Navxwe li ser êrîşa li nêzîkî Balafirgeha Hewlêrê

Wezareta Navxwe ya Herêma Kurdistanê li ser êrîşa li nêzîkî Balafirgeha Navdewletî ya Hewlêrê daxuyaniyek belav kir.

Kurdistan24 Hewlêr 2020/09/30 20:34

kurdistan Wezareta Navxwe Herêma Kurdistanê Hewlêr Êrîş Mûşek

Hewlêr (K24) – Wezareta Navxwe ya Herêma Kurdistanê li ser êrîşa li nêzîkî Balafirgeha Navdewletî ya Hewlêrê daxuyaniyek belav kir.

Li gor daxuyaniya Wezareta Navxwe ya Hikûmeta Herêma Kurdistanê, vê êvarê di demjimêr 20:30 de şeş mûşek arasteyî Balafirgeha Navdewletî ya Hewlêrê hatine avêtin.

Wezaretê eşkere kir ku mûşek ji sînorê Birtile yê navbera gundên Şêx Emîr û Tercile, ji ser pîkapekê hatine avêtin. Ew dever jî dikeve sînorê Lîwaya 30 ya Heşda Şe'bî. Tîmên me yên taybet, ji bo bidestxistina zanyariyên zêdetir, dest bi lêkolînê kirine.

Herwiha Wezareta Navxwe destnîşan kir ku ew vê êrîşa terorî şermezar dikin û di heman demê de ji bo bersivdana her destdirêjiyek amade ne. Ji Hikûmeta Federalî jî daxwaz kir ku demildest rêkarên pêwîst bi cih bîne.