Nêçîrvan Barzanî û Hesen Rûhanî civiyan

Biryar e piştî demekê din serokwezîrê Herêma Kurdistanê û serokê Perlemana Îranê li Taranê bicivin

K24 - Navenda Nûçeyan

Îro serokwezîrê Herêma Kurdistanê Nêçîrvan Barzanî û serokê Îranê Hesen Rûhanî li Taranê civiyan.

Li gorî Ajansa Îrna, îro berî nîvro şanda Herêma Kurdistanê bi serokatiya Nêçîrvan Barzanî, li gel Hesen Rûhanî, serokê Komara Islamî ya Îranê civiya.

Berî wê civînê jî, şanda Herêma Kurdistanê, li gel sikirtêrê encûmena bilind a ewlehiya netewî ya Îranê Elî Şemxanî civiya û pêwendiyên di nav Herêma Kurdistan û Îranê de gotûbêj kirin, biryar e jî îro şanda Herêma Kurdistanê li gel serokê Perlemana Îranê Elî Larîcanî jî bicive.

Duh şanda Herêma Kurdistan bi serokatiya serokwezîrê Herêma Kurdistanê Nêçîrvan Barzanî, ji Bexdayê gihişte Taranê.