ئەمنستی: نابێت دووبارە هاووڵاتی مەدەنی لە باکووری سووریا ببنە قوربانی
K24 – ههولێر:
رێکخراوی ئەمنستی جیهانی بۆ مافەکانی مرۆڤ لە بارەی هێرشی تورکیا بۆ سەر رۆژئاوای کوردستان راگەیەندراوێکی بڵاوکردەوە.
لە راگەیەندراوەکە هاتووە، خەڵکی باکووری سووریا چەند جارێک دووچاری ئۆپەراسیۆنی سەربازیی و ئاوارەبوون بوونەتەوە، تورکیا دەبێت لەژێر یاسا مرۆییە نێودەوڵەتییەکان، گیان هاووڵاتیانی مەدەنی بپارێزێت و دڵنیا بێت کە دەستیان بە هاوکارییە مرۆییەکان دەگات.
ئەمنستی داوا دەکات، ئەو کەسانەی دەیانەوێت ناوچەکە جێبهێڵن، دەبێت رێڕەوێکی ئارامیان بۆ بکرێتەوە.
ئەمنستی ئەوەشی نەشاردۆتەوە، لە جەنگی پێشووی سوپا تورکیا و هاوپەیمانەکانی و هێزە کوردییەکان، چەندین هاووڵاتی مەدەنی گیانیان لەدەستداوە و نابێت ئەمە دووبارە ببێتەوە.
H.J