Mîlîşya (Esayib) sipasiya berpirsên YNKê dike
K24- Navenda Nûçeyan
Piştî xiyaneta beşek ji berpirsên Yekîtî Niştimanî Kurdistan (YNK) û radestkirina sengerên Pêşmerge ji mîlîşya Heşda Şeibî re, Esayib Ehl Eh-Heq, di daxuyaniyekê de sipasiya wan berpirsên YNK kir.
Di daxuyaniya Esayib de hatiye: "Em pesinê helwesta "berpirsane" a berpirsên YNK û wan çekdaran didin, ku berjewendiya Iraqiyan hilbijartin û red kirin, li pey daxwaza cudabûnê biçin ku mebesta wê parçekirina Iraqê bû."
Duh beşek ji berpirsên Yekîtî li gel Qasim Silêmanî û mîlîşya Heşda Şeibî rêketin û biryar dan Kerkûk û tevahiya sengerên Pêşmerge radestî Heşdê û hevpeymanên wan di Supaya Pasdaran de bikin.
Her di wê çarçoveyê de, beşek ji berpirsên YNK fermanyana kişandina hêzên xwe ji sengeran dan û rê ji bo dagîrkirina bajarê Kerkûkê ji aliyê Heşdê û Supaya Pasdaran ve xweş kirin.
Piştî wê kiryara beşek ji berpirsên YNK, fermandeya giştî ya hêzên Pêşmergên Kurdistanê ragihand: "Beşek ji berpirsên YNK xiyaneteke dîrokî û mezin li Kurdistan û xwîna şehîdan kirin."